(၇.၁၂.၂၀၁၄) နံနက် ၉း၀၀ နာရီတွင် အထက-တာချီလိတ်တွင် တာချီလိတ်ခရိုင်အတွင်း စတုတ္ထတန်းနှင့်
အဌမတန်း အကြိုစာမေးပွဲကျင်းပရေးဆိုင်ရာအစည်းအဝေးကို ကျင်းပပြုလုပ်ခဲ့ပါသည်။ အစည်း
အဝေးသို့ ခရိုင်စုပညာရေးမှူးရုံးမှ ခရိုင်ပညာရေးမှူး ဒေါ်သက်ထား၊တာချီလိတ်မြို့နယ်ပညာရေးမှူး
ဦးစိန်ထွန်းလှနှင့် ဒုတိယမြို့နယ်ပညာရေးမှူး လက်ထောက်မြို့နယ်ပညာရေးမှူးများ၊ ကြီးကြပ်ရေးမှူး
အဖြစ် တာဝန်ယူကြမည့် ကျောင်းအုပ်ကြီးများတက်ရောက်ခဲ့ပါသည်။
အစည်းအဝေးတွင် ခရိုင်ပညာရေးမှူး ဒေါ်သက်ထားက မြန်မာ့ပညာရေးမြင့်မားပြီး ကလေးများ ပိုမိုတတ်မြောက်အောင်မြင်ရေးအတွက်စည်းမျဉ်းစည်းကမ်းများကိုလိုက်နာပြီး စနစ်တကျ တာဝန်ယူဆောင်ရွက်သွားကြရန် နှင့် လိုအပ်သည်များကို အသေးစိတ်မှာကြားပါသည်။ မြို့နယ်
ပညာရေးမှူးဦးစိန်ထွန်းလှ က ဆက်လက်၍ စာစစ်ဌာနအလိုက် တာဝန်ပေးအပ်မည့် လက်ထောက်
ကြီးကြပ်ရေးမှူးများ ဆိုင်ရာနှင့် လုပ်ဆောင်ရန်များကို သက်ဆိုင်ရာနယ်မြေမှူးအုပ်စုမှူးကျောင်းအုပ်
ကြီးများနှင့် ပေါင်းစပ်ညှိနှိုင်းတာဝန်ပေးအပ်ခဲ့ပါသည်။
အဆိုပါစာမေးပွဲများကို (၁၆.၁၂.၁၄) ရက်နေ့မှ (၂၃.၁၂.၁၄) အထိ ကျင်းပသွားမည်ဖြစ်ပါသည်။
တာချီလိတ်မြို့နယ်တွင် စတုတ္ထတန်းစာစစ်ဌာန(၁၈) ခုရှိမည်ဖြစ်ပြီး အဌမတန်းစာစစ်ဌာန(၇)ခု
ဖြင့် စစ်ဆေးသွားမည်ဖြစ်ကြောင်းသိရှိရပါသည်။
ကြီးကြပ်ရေးမှူးများ တာဝန်ပေးအပ်ရာတွင်လည်း မိမိကျောင်း မိမိနယ်မြေအား တာဝန်ပေးအပ်ခြင်း
မပြုဘဲ သီးခြားနေရာများတွင်သာ တာဝန်ပေးအပ်ကြောင်း သိရှိရပါသည်။
စာမေးပွဲ စည်းကမ်းများအနေဖြင့် တက္ကသိုလ်ဝင်စာမေးပွဲ ကဲ့သို့ စနစ်တကျကြီးကြပ်ဆောင်ရွက်ရန်
စီစဉ်ထားရှိကြောင်းသိရှိရပါသည်။ယင်းကဲ့သို့ဆောင်ရွက်ခြင်းဖြင့် အရည်အသွေးမြင့်မားသော
ကျောင်းသားကျောင်းသူများ ပိုမိုထွန်းကားလာစေမည်ဖြစ်ကြောင်းလည်း သိရှိရပါသည်။
သတင်း / ဓာတ်ပုံ - မြတ်မျိုးမြင့်မာန်
0 comments:
Post a Comment